Մեր Թիմը
«Հայը կա» սոցիալական, զարգացման, անվտանգային հասարակական կազմակերպություն
«Հայը կա» սոցիալական, զարգացման, անվտանգային հասարակական կազմակերպությունը գործում է ավելի քան 4 տարի։
«Հայը կա» ՀԿ նպատակն է՝ համախմբել բոլոր նրանց, ովքեր իրենց գործունեությամբ ապացուցուցում են, որ հայը կա, հայն ապրում է եւ հզորանում։💪
Իր գործունեության 4 տարիների ընթացքում ավելի քան 50 գաղափարակից գործընկերներով իրականացվել է կրթական, մշակութային եւ սոցիալական մի շարք ծրագրեր, որոնցից անմիջականորեն օգտվել են ավելի քան 3000 երեխա:🤭
Կազմակերպությունը իր գործունեությունն իրականացնում է երեք ծրագրային ուղղություններով․
🔹զարգացման
🔹սոցիալական
🔹անվտանգային
«Կենաց տուն» մշակութային հասարակական կազմակերպություն
«Կենաց տուն» մշակութային հասարակական կազմակերպությունը ստեղծվել է 1997 թվականին։ Հիմնական նպատակը՝
🔸Ավանդական ձեռարվեստի, մոռացված արհեստների փոխանցման և տարածման ապահովումը Հայաստանի տարբեր համայնքներում
🔸 Կազմակերպությունը կարեւորում է ավանդույթների վերականգնումը և նորովի մատուցումը, դրանց հանդեպ ստեղծագործական մոտեցումների կիրառումը, մեծ ուշադրություն է դարձնում հայկական մշակույթին բնորոշ աշխարհայացքի, մտածողության, արժեքային համակարգի բացահայտմանը եւ դրա հանրահռչակմանը։
«Արար» հայ ազգային արվեստի պահպանման կենտրոն
«Արար» հայ ազգային արվեստի պահպանման կենտրոնը ստեղծվել է 2017թ․ օգոստոսին՝ ՀՀ վաստակավոր արտիստ Արսեն Գրիգորյանի նախաձեռնությամբ։💪
Այն միտված է ոչ նյութական մշակութային ժառանգության պահպանմանը, տարածմանը, զարգացմանն ու հանրահռչակմանը։
«Արար» կենտրոնի հիմնական գործառույթը ժողովրդական ստեղծագործության կենսունակության ապահովումն է՝ ազգային մշակույթի ավանդույթները երիտասարդներին փոխանցելու միջոցով։✨
«Տերյան» Մշակութային կենտրոն
«Տերյան» Մշակութային Կենտրոնը 2000-ականների սկզբից ի վեր ծավալում է ՝
մշակութային, գրական, կրթական, ազգագրական, հոգևոր արժեքների տարածման ու քարոզման լայն գործունեություն: 🥰
Այն հայտնի է որպես հայկական ազգային հագուստներն ու հայկական ավանդական ասեղնագործությունը վերականգնող, հնի հիմքի վրա նոր ոճավորված հագուստներ ստեղծող կենտրոն:💫👗